BELAH DOEREN DENGAN TAHI MATJAN BANTJOL

Diplekeh, di djilat dibelah en di emoet. Itoe tjara traditioniil dalem koweorang nikmatin doeren poenja boewah. Boewah iang satoe inih dikoerniain sama iang Koewasah dengen koelitnjah iang bedoeri matjem pertahanan merapat pasoekan Nagri Roem poen. Mangka djikaloe tida ati2 kowepoenja tangan bole loeka en bedarah. Ada iang aneh dengen tamsil en ibarat iang dikassie kitaorang poenja kake moiang perihal ini doeren. Djikalaoe kowe sering denger itoe orang sedeng belah doeren, mangka itoe tandanjah diaorang soeda masoep dalem kaidoepan roema tangga, aken tapi ini hal echwal lebi meroedjoek ka itoe paristiwa persetoeboehannjah antara orang lakih en orang prampoewan itoe.

...boewah doeren dari Tjikokol djande kerend mingsih ngompol...

Iang mendjahadi pertanja'an kenapa itoe poela make tamsil en ibarat belah doeren ? Boekan mitsalken, belah ramboetan ? iang djelas2 lebi mirip. Lha ini doeren, maimangnjah kowe poenja pasangan tempoer ada doeri2 poen ? Soeda begitoe bawnjah menjengat (moengkin iang ini ada sikit kesama'an itoe he..he..he..). So'alan legit en berlendir maimang ada itoe benernjah, aken tapi mistih kowe ada fikir djoewa, darimanah itoe gerangan doeri berasal poen ? Soeda poenah ini Adam poenja ana tjoetjoe djikalaw itoe prampoewan penoe dengen doeri matjem doeren, pasal banja 'boeroeng' iang soesa kassie toegas semestinjah.

Kamoengkinan iang paling deket sama itoe tamsil en ibarat iaitoe, kitaorang poenja kake moiang kassie pendekatan dalem so'alan baw, ja, baw. Baw doeren iang bagih sebagijan orang mbikin pening, aken tapi berakibat sebaliknjah bagi penggemar doeren toelen poen. Nha, 'poenja' satoe orang prampoewan djoewa begitoe itoe, ada iang moeak dengen itoe 'barang' prampoewan poenja baw, aken tapi lebi banja lagih iang tergila2 sama itoe 'barang', ka oedjoeng doenija sahadja dikedjer ! Mangka djikaloe soeda napsoe, tahi koetjing rasa tjokelat, baw itoe bole dikesampingken.

Djikalaw ik bole poenja oesoel, itoe tamsil dari kita orang poenja kake moiang soeda oezoer, alijas katinggalan djaman itoe. Mangka ik kassie oesoelan matjem manah djikalaw digentih dengen belah ramboetan. Lebi kassie deket sama itoe 'doeren' poenja kenjata'an. Soeda ada itoe ramboetnjah, mboekanjah djoewa tijada begitoe soelit poen, soeda begitoe isinjah lemboet, manis en aroem poenja itoe. Klop soeda dengen kenjata'an iang adah. Mas'alahnjah tempoh inih iaitoe matjem manah merobah itoe kabijasa'an iang soeda berakar oerat selama ratoesan tahoen, iaiatoe kassie genti istila 'belah doeren' mendjahadi 'belah ramboetan'. Ini mistih dikerdjaken samah Goepernemen bessar Van Batavia. Dengen tjara kassie propaganda besar2an liwat resident, wedana, demang in de rechten, HBS, MULO, AMS sampe itoe pawijatan loehoer matjem STOVIA. Samoewa oknuum mistih gentih dia orang poenja inih tamsil en ibarat.

Ada satoe misterie lagih iang mistih kita oengkap kebenaranja di adepan chalajak rame, tahi matjan ! Apa iang mendjahadi ini koetjing bessar poenja kechoesoesan dengen diaorang poenja tahi poen ? Tida djelas betoel poen ! Iang djelas ini tahi ditamsil ibaratken dengen kowe orang poenja pedjoe alijas mani alijas tjairan kaidoepan darimana kowe samoewa berasal ! "Ooo..pantes sahadja ini poentjak mistih rame di malem minggon, pasal banjak orang Arab kassie boewang diaorang poenja tahi matjan poen...."

Ik rasa itoe matjan poenja tahi tijada djao beda dengen koetjing poenja tahi. Soeda perna kassie tengo koetjing boker poen ? Mangka kowe aken lijat itoe satoe tahi, iang soeka berwarna aga kekoening2an djikalaw mingsih seger, en keitem2an djikalaw aga lama kamoedijan. Baoenjah ? Tijada oesa dikassie tanjaken lagih, ditanggoeng kowe bole semapoet djikalaw kelama'an kassie hiroep ini baw dari itoe sang koetjing poenja tahi. Soeka ada itoe roempoet2an iang nempel, pasal boewat bantoe sang koetjing kassie pentjerna'an poenja sisteem. Bentoeknja menggelondong tijada djao dari koweorang samoewa poenja tahi itoe, tarketjoewalih djikalaw sedang mentjret poen....

Manoeroet ik poenja fikier, tahi matjan mentjret lebi tepat dalem itoe tamsil en ibarat boewat itoe pedjoe. Lebi tjair, bentoeknjah menjebar walawpoen itoe baoe tetep sahadja beda djao. Kitaorang poenja pedjoe berbaw chaas, matjem itoe kaporit kolam renang poen, sedeng itoe tahi matjan -- apalagih djikalaw sedeng mentjret -- baoenjah mirip dengen koeboeran romoesha ditamba itoe dengen kringet koeli onderneming kofee di Deli afdeeling. Mangka djikalaw ik bole kassie oesoel, itoe istila tahi matjan digentih dengen tahi matjan mentjret zonder aromah'....aken tapi ko pandjang toelen ja ? Watricht !

....palingla ena si mangga oedang....
...poe'oennjah tinggi....poe'oenjah tinggi boewahnja djarang....
...palingla enak si orang boedjang saiang....
...orangnjah tinggi...orangnjah tinggi...boeroengnjah pandjang.....

Djikaloe kowe poenja boeroeng pandjang, mingsih boedjang poela, itoe satoe hal-echwal iang bole kassie chawatier samah kowe poenja kaidoepan beragamah. Pasal, napsoe boewat beroeboengan dengen lawan djenis alijas satoe orang prampoewan bole dikataken sedeng dalem tempo poentjaknjah. Djangan kate iang tjantik, kowe kassie tengo satoe benda iang berbentoek mesoem sahadja bole kassie tegak kowe poenja boeroeng itoe. Mangka djalan tengah iang sering digoenaken samah itoe kaoem boedjangan iang mingsih takoet berdjinah iaitoe dengen tjolie....

Tjolie djoewa poenja pelbagai klaas, iatoe klaas amateur, sedeng en klaas loewar bijasa. Iang amateur bijasanjah mistih dengen itoe alat bantoe iang bole kita kassie djoeloek sebahagai bantjol. Iang klaas sedeng soeda tijada diperloein lagih itoe bantjol, en iang tingkat mahir soeda sampeh itoe tingkat tijada melakoeken apapoen, tjoekoep kassie prentah ka jij poenja oetek mangka ...tjroot..!

Koembalih ka itoe klaas amateur dengen bantjolnja, apa sich itoe bantjol ? Badoet Antjol ? Kowe tjoli dengen badoet Antjol ? Hoekkss...! Mending djikaloe itoe badoet satoe prampoewan, hakkoel jakien, 99 per ratoes badoet Antjol iaitoe oknuum laki2 itoe. Laen mitsalken koweorang satoe orang homo alijas soeka dengen 'boeroeng' djoewa -- boeroeng makan boeroeng poen -- itoe satoe anoegerah. Aken tapi bole djadi gawat kliwat2 djikaloe koweorang satoe laki normaal poen....

Badoet Antjol....

Bagoesnja itoe Bantjol maimang itoe satoe akroniem, aken tapi boekan badoet Antjol, lebi tepatnjah lagih iaitoe 'Bahan Tjolie'. Namanjah djoewa bahan boewat tjolie, mangka bole beroepa itoe gambar boegil, gambar idoep alijas itoe gambar biskop mesoem atawpoen itoe toelisan mesoem matjem mba enny arow poenja keachlijan. Nha, satoe orang dengen orang iang laen poenja salira iang berbeda2 itoe -- bhinneka toenggal ikah -- berbeda2 aken tapi satoe toedjoewan, iaitoe kaloewarnjah sang pedjoe dari kantoeng pedjoe di koweorang poenja 'kantong kemenjan'. Atsilnjah iaitoe terboewangnjah sia2 koweorang poenja bakal ketoeroenan iang sapa tahoe sala satoenjah bole djadi orang haibat di tempoh mendatang.....aken tapi apa latjoer ? berachier di jij poenja kammer mandi, selokan ,kalie en laoet !

Hatta, apakah kowe lebi soeka boewang tahi matjan mentjret dengen belah ramboetan atawpoen bantjol ?

Koeaing!
Soeka boewang tahi matjan mentjret dengen belah ramboetan zonder badoet Antjol