Alief si boedak gerilja - IX

...setla bertaon idoep dalem gerilja samah soldadoe priboemi, mangka Alief bole temoewin ianjah poenja sanak kadhang iang ternjatah mingsih seger en boeger adanjah....(Alief - VIII)

Mendjahadie Goeroe

Perang soeda berachier, pamrentahan soeda bergentih lagih djahadie Repoebliek. Radja djawa berkoewasa koembalih, Soekarno ianjah poenja djoeloek. Berpetjih sepigimanah kitaorang djoewa, tijada bermahkota matjem pamrentahan goepernemen iang lama. Tijada perloe kassie tabik seikerei samah Tenno Haika. Iang kitaorang soeka iaitoe ianjah bole djagowan dalem hal echwal pidato. Djikaloe Soekarno soeda moelain pidato mangka berlaksa2 itoe ra'iat matjem kena sihir iang haibat toelen. Samoewanjah aken terdiem matjem kowe soeda tengo koentilanak.

...djahadie goeroe atoe soldadoe ? bikin Alief poenja kepala poesing
toedjoeh koeliling...

Mangka soeda berbanding terbalik dengen ianjah poenja patih, Hatta. Satoe zachen economiec van Somatranen bond. Pendiem, ta'at beribadah en slaloe rapih djalie. Mangka kitaorang soeda kenaal marikaorang sebagih dwi toenggal, dimanah ada Soekarno disitoe ada Hatta. Kadoewanjah tijada mahoe dipanggil samah djoeloekan iang moelija maharadja, tjoekoep Boeng sahadja, djoeloekan orang Medan boewat sahabat. Ternjata orang bijasa djoewa bole djahadie radja, ra'iat djelata sahadja bole djahadie pemingpin djoeta'an ra'iat. Radja djoewa manoesija, boekan Dewa en katoeroenanjah iang selama ini ada dalem Alief poenja fikieran.

"Ik mistih djahadie radja boewat ik sendirih.." begitoela Alief soeda moelain kassie djalan fikirannjah oentoek apa ianjah henda berboewat setelah ini djaman meleset. Ianjah sigrah ambiel kapoetoesan mahoe djahadie apa ianjah kelak. Soeda limabelas taoen poen ianjah poenja oemoer, satoe djedjaka iang sebetoelnjah terlaloe moeda boewat kassie alamien paristiwa iang bole goentjangkeun ianjah poenja sanoebari iang terdalem. Aken tapih itoela idoep, tijada bole kita kira tijada bole kita sangka poen. Samoewanjah dateng tijada dioendang, kitaorang tjoeman bole kassie djalanin sahadja, tijada lebi tijada koerang itoe.

Bapa Goeroe*....

"Ik mistih djahadie soldadoe djikaloe begitoe...sebab ik djoewa soeda poenja pengalaman djahadie Heiho en soeda tiga taon ikoet gerilja sama soldadoe Repoeblik poen..."

"Ik mistih bole bilangin ini samah Mas Radjie....ianjah bole djahadie soldadoe sekarang ini, ianjah soeda masoep samah regimen mobrig di Pekalongan poen...." batin itoe Alief.

Mangka sigrah bertoelak lagih itoe si Alief ka Karanganjar tempat ianjah poenja kaka tiri, Mas Radjie tinggal.

Beberapa tempoh kamoedijan..

"Mas Radjie, ik mahoe kassie omongan samah sampejan mas..."
"Mahoe ngomong apa to le ko kamoe make minta idjien segala itoe ?"
"Begini mas, ik ini soeda bessar poen, ik mahoe tjari penghidoepan sendirih, ik mahoe djahadie Radja boewat ik sendiri, tijada mahoe tergantoeng samah orang..."
"Bagoes poen, itoe namanjah koweorang soeda dewasa lief...bagoes itoe..." kata Mas Radjie dengen soewaranjah iang matjem Bima...menggelegar kentjeng
"Nach, mangka dari itoe, ik soeda mahoe djahadie soldadoe matjem Mas Radjie, sowal ik soeda perna poenja pengalaman djahadie heiho djaman doeloe mingsih sekola itoe, blon lagi tiga taon kemaren ik ikoet gerilja sama soldadoe kiblik mas..."
"Ooo....djahadie koweorang mahoe ikoet ik begitoe ? Soeda kowe fikier masak2 itoe Lief ?"
"Soeda mas..."

"Beginih lief, tempoh ini samoewa orang mahoe djahadie soldadoe matjem ik, sebab koweorang tahoe, ini djeman perang maloeloe,mangka djahadie soldadoe soeda temtoe kalihatan sebagih iang paling gagah en mendjandjikeun boeat hidoep aman en tentrem..."
"Betoel mas..."
"Aken tapi kowe djoewa mistih inget, soldadoe itoe slaloe sijap mati kapanpoen, pendeknjah idoepnjah tijada lebih sebagih hewan adoewan poen, matjem manah toewanjah kassie prentah ianjah mistih pigih, tijada pedoeli djikaloe itoe mistih ka Neraka djahannam...'

Alief djahadie tediem...

"Kowe tjoeman tahoe djikaloe soldadoe itoe poenja senapang, baris, tegep...aken tapi tijada pernah tengo matjem manah marikaorang poenja kaidoepan poen...tijada wang, djaoh sama kaloewarga....bole mati tijada dikenaal..."
"Djahadie mas Radjie tijada setoedjoe djikaloe ik mahoe djahadie soldadoe poen ?"
"Tida poen, tjoekoep ik sahadja Lief, kowe mistih djahadie orang pinter, iang lebi pinter dari soldadoe, iang pekerdjaannjah boekan boewat ngaroesak...kowe mistih djahadie goeroe itoe poen...satoe kerdja'an iang soeda teramat moelija..."

Hah, goeroe ? Matjem mana ik poenja potongan ?

"Ja soeda mas, djikaloe itoe iang bole djahadie pertimbangan mas Radjie, mangka ik ikoet sahadja, ik pertjaja sampejan poenja pandangan iang lebi loewas daripadah ik poen...."

Mangka si Alief sigrah dikassie kenalken samah mas Radjie poenja kawan di SGA Sragen afdeliing poen....sakola tjalon goeroe....

*Gambar diambil van sinih