Hikajat teboe - I

Spoor van teboe

...ada goela ada semoet,ada spoor noenoet...( petoewa bidjak bestarie )

Orang rame soeda mahfoem, semoet selaloe soeka itoe goela. Entah itoe dikarnakeun lekker rasanjah, atoe maimang semoet soeka iang manis2, boektinjah ik soeka digigit poen. Aken tapi pernakah koweorang poenja satoe pertanjaan di koweorang poenja kepala, dari manaka itoe goela brasal ? Ja, itoe goela koeboes2 ketjil iang seketjil passir, mangka ole orang rame soeka dikassie djoeloek sebagih goela pasir itoe. Itoe samoewa sabermoela van taneman roempoet iang koweorang kenalin sebagih teboe !

...satoe tempo iang menegangkeun toelen tempo itoe loko item soeda kassie liwat diadepan
kitaorang...

Teboe banja terdapet di ik poenja kampoeng, Karanganjar afdeliing Van Solo resident. Kebon teboe itoe namanjah. Banja poen itoe matjem teboe, ada iang item, idjo mahoepoen koening. Iang koening bole kowe seboet sebagih teboe Ardjoeno, iang idjo ja diseboet sebagih teboe idjo sahadja. Sedeng iang item bole diseboet sebagih teboe kresno passal item iainjah poenja koelit. Ada lagih teboe oengoe alijas woeloeng, iang bijasanjah boewat satoe oepatjara ngantenan atoe mas'alah ghaib lainnjah, matjem sadjen boewat njanthet satoe orang iang bole koweorang bentji...

Tempoh ik ketjil, itoe toekang tani dipaksa samah pamrentahan bessar boewat tanem marikaorang poenja sawah samah itoe teboe ! Tanem paksa inih bole diprenta samah Radja Djawie, Soeharto iang maimang kedjem. Barang sapah iang tijada mahoe kassie tanem teboe ianjah poenja sawah, enem boelan dalem setenga taoen, mangka bole ditjap sebagih kominis ! Tempo itoe djikaloe soeda ditjap sebagih underbouw kominis, soeda tamat iainjah poenja riwajat ! Mangka teboe bole kitaorang temoewin dimanah2 itoe poen.

spoor item liwat....

Matjem manah kassie angkoet itoe riboewan ton teboe ka itoe Tasikmadoe poenja fabriek goela ? Make itoe spoor poen ! Spoor iang poenja loko item van badja terbae bikinan fabriek spoor Djerman poenja gaia ! Itoe spoor bole manteb en kokoh, dengen badan berwarna item, toengkoe oewap iang bessar soeka kassie soewara desis iang menakoetken boewat ana ketjil itoe. Kabetoelan di Hardjosarie, satoe kampoeng sebla oetara ik poenja kampoeng, diliwatin ini spoorweg. Mangka djikaloe soeda tempo masoep itoe rembangan --ataoe bole kowe kenaal sebagih panen teboe -- mangka kitaorang soeda breboet djahadie cowboy lokalen poen.

Cowboy localen ini tjoeman poenja bekel njalih sahadja, laen tida. Matjem manah tida ? Djikaloe cowboy van Hollywood soeka kedjer spoor oewap boewat kasie rampog harta en benda itoe spoor poenja penoempang, mangka kita bole minta penoempangnjah sekalijan ! Watricht, matjem manah tjara itoe ? Terang sahadja, pasal ianjah poenja penoempang ja teboe tadi, kitaorang bole kassie tarik teboe van spoor iang maloentjoer dengen tjepet !

Perloembaan adoe adrenaliin inih bole berlakoe bijasanjah djikaloe sore ampier maghrieb soeda tiba. Marika orang, oknuum2 van fabriek goela soeda mahfoem, lebi bae liwat tengah malem, soepaia terindar van cowboy2 teboe ini poen. Aken tapi matjem mana bole, kitaorang poenja djaringan mata2 soeda begitoe mantebhnjah poen, mangka djikaloe djem2 kebrangkatan itoe spoor teboe soeda hafal loewar kepala kitaorang poen. Blon lagih di itoe prapatan weg van Hardjosarie, soeda mistih itoe spoor kassie boenji peloewit iang melengking en njaring soewaranjah !

Djess...godjess....toewiiiiiiiiiiiiiiiiiiiiiiiiiiitt..!! begitoela boenji itoe spoor. Itoe spoor bole didjalankeun samah tenaga oewap, iang manah kajoe bakarnjah berasal van sepah teboe itoe sendirih sisa penggilingan. Djahadie tijada iang ilang en pertjoema samah itoe teboe poenja atsiel. Betoel satoe poe'oen iang bole kassie kitaorang banja kagoena'an. Itoe daoen bole dipakeh sebagih atep roema, itoe batang soeda mistih djahadie goela passier, itoe sepahnjah poen bole djahadie bahan bakar. Tijada satoe iang terboewang pertjoemah, soedahkah kowe matjem teboe ?

Koeaing!
teboe woeloeng bermoeke Ardjoeno