Romusha Iang Koembalih - I

Awal ari kijamat

....djikaloe manoesija di doenija inih memandang katjilaka'an en kagoembiraan sebagih rachmat, mangka nistjaja aman tentrem ini doenija.....(koeaing!)

Alkissah, Soengatie bole poenja djodo sebagih djodo tinggal matih iang berdjoeloek sebagih Kartodikromo. Kartodikromo ini poenja djabatan sebagih tjarik alijas djoeroe toelis kaloerahan Popongan itoe poen. Kartodikromo bawa itoe doewa anak bawa'an iang samah2 poenja kelamin lakih2, Soeharto en Soehardi. Sedeng Soengatie sendirih mingsih perawan toelen itoe. Aken tapih ini Soengatie soeda poenja banja sawah en kebo, sebagih asil diaorang poenja kerdja keras djoewalan tiker mendhong ke itoe passer klewer van Solo tijap soeboeh sampe petang.

...harapan satoe mimpi iang boel koweorang poenjain sebagihharta terachier...

Soeharto in poenja perawakan gagah, tegep, roman moeka sebagih Gatotkatja, rahang koewat en sorot mata tadjem, laen betoel dengen diaorang poenja adik, Soehardi. Mata sipit bersorot litjik, badan kerempeng tijada keroewan, djikaloe djalan diaorang poenja kakie diseret, ramboet tipis. Pokoknjah matjem ada satoe kesalahan brosuur diwektoe itoe Toehan kassih tjitakan doewa kaka berade itoe poen.

Wektoe itoe Djepoen soeda berdjaja pake agitatie sebagih 3 A, kerdja boewat negara dikoemandangkeun di sloeroe pelosok Oost-Indie, tijada terkatjoewalie kaloerahan Popongan itoe. Mangka temtoe sahadja bagih Soehardie iang poenja perawakan gagah sentausa bole dipili sama Pa Loerah boewat djahadie romusha poen. Tempoh itoe djahadie romusha didjandjikeun sebagih pigi kerdja kaloewar poelaw Djawi dengen gadjih iang bole bikin roema satoe dalem tempoh enem boelan kerdja ! Temtoe sahadja Soeharto tijada bole fikier doewa kalie boewat kassie poetoesin boewat itoe kerdja sebagih romusha.

Mangka sigrah berangkat dijaorang dengen poeloehan pemoeda laen sebagih kerdja romusha poen. Marikaorang tijada perna kassie bajangan bahoewa bole djahadie itoe arie sebagih ari kiamat boewat marikaorang ! Sedeng Soeharto sendirih bole berangkat dengen satoe kapal perang Djepoen, Iwa Maru , dari itoe Tandjoeng Mas, Semarang poenja pelaboehan. Semendja di atas kapal, soeda moelain terasa itoe bentoek kiamat. Dari toedjoeh ratoes romusha diatas kapal tjoeman ada itoe doewa kakoes !! Blon lagih samoewa romusha ditaro didalem lamboeng kapal iang gelap goelita en berbaoe matjem petjeren djeroek poeroet poenja koeboeran !

romusha sekarat....

Soeda temtoe itoe goedig en mentjret moelain menjerang romusha itoe poen. Soeda banja iang sekarat begitoe sampeh di itoe poelaw Bangka sahadja. Mangka dengen kedjemnjah itoe soldadoe angkatan laoet Djepoen maen boewang romusha2 iang sekarat bole djahadie makanan ikan di tenga laoet ! Boekan maen, itoe bangsa kate moengkien tijada perna diadjarin sebagih manoesija iang beradab poen ! Dengen mata kepala sendirih Soeharto bole menjaksiken samoewa pertoendjoekan maoet di tenga laoet itoe poen. Semendja itoe Soeharto poenja djandjie samah diaorang sendirih, "Ach djikaloe beginih...ik mistih koewat2in boewat poelang ntaran matjem manah tjaranjah itoe...ik tijada bole sakiet "

Soeharto moelain kassie latihan pernapasan iang soeda diadjarin samah Kjai Mashoerie, satoe goeroe ngadjie en silat di itoe Popongan poenja dessa. Ampoeh maimang, sampe ka itoe Negri Birma, dimanah Soeharto bole tahoe passal soeda kassie tjoeri denger itoe pembitjaraan soldadoe kate. Djelek2 begitoe Soeharto djoewa soeda bole berbitjara Djepoen poen, sisa2 sakola di HIS van Karanganjar afdeliing. Begitoe kassie denger bahoewa diaorang soeda sampe Negri Birma, satoe negri iang poeloehan riboe kilo djaohnjah dari diaorang poenja kampoeng halaman, mangka Soeharto tjoeman bole berdo'a sama Toehan Alloh SWT, bahoewa diaorang soeda sijap mati en idoep, djikaloe dibolehin diaorang mistih bole katemoewin bapa en iboenjah di popongan seblon matih poen.....

Koeaing!
....terkoetoek samoewa orang Djepoen !