Nekker poenja gaia

...benda boelet van katja itoe, bole bikin ketagihan satoe ana ketjil...

Bentoeknjah boelet, dari iang terketjil saoekoeran koweorang poenja oepil sampe itoe segede bola bekel ada itoe. Nekker namanjah, nekkeran poenja djoeloek iaitoe bentoek permaenannjah. Soeka2 orang bilang sebagih kelereng djoewa. Bole bijasa ada itoe loekissan2 matjem pelangi dalem bola nekker poen, bijasanjah itoe gaboengan dahari tri-warna. Ada djoewa nekker iang tijada berpola, bijasanjah tjoeman diisih samah itoe bola oedara sahadja, teroes djoewa ada itoe nekker berwarna, bole idjo, perak, oengoe atawpoen biroe.

...kelereng bole djahadie sebagih satoe doenija ketjil kapitaalisme
poenja oekoem...

Nekkeran iang paling sederhana bole kita seboet sebagih goenoengan poen. Satoe lingkaran iang porosnjah bole kowe kassie loebang. Permaenan dimoelain dengen ambiel itoe oendijan; sapah iang menang berhak nembak itoe sasaran iang bole beroepa koempoelan nekker dalem itoe loebang. Ada doewa tjara dalem kassie temtoewin sang pemenang oendijan, bole djaoh2an ataoe mala deket2an samah garis terloewar daripada goenoengan itoe. Aken tapi iang paling laziem iaitoe bole ambiel djarak iang paling deket poen. Mangka bole lempar dahoeloe gatjoeknjah (maskot van nekker) mangka sapah iang bole brasiel paling deket samah garis paling loewar van goenoengan ianjah bole dapet giliran iang pertama itoe.

Sigrah ianja kassie tembak 'oedoe' ataoe tarohan iang soeda ditoempoek dalem goenoengan poen. Djikaloe brasil kassie kaloewar zonder terperangkap dalem loebang goenoengan mangka bole diambiel itoe samoewa tarohan iang soeda kaloewar loebang. Djikaloe itoe gatjoek tijada bole kaloewar dari itoe loebang, mangka diseboet sebagih zekoek, alijas matie poen. Gagal di awal permaenan. Lantas apa bole bikin djikaloe itoe oedoe soeda abis poen ? Oekoem rimba !!

Saling makan memakan lawan iang terdjadih poen. Bole saling intjer, make itoe teknik goenain djempol ataoe itoe djari tenga boewaat kassie poekoel itoe nekker. Bole tangan satoe bole djoewa kassie goenain tangan doewa poen. Ik tijada perna brasil makeh itoe tangan doewa, ik djagoewan dalem soewal nemba van atas poen, en itoe bole dilakoeken asal tijada make tenaga sikoe, choesoes djarih sahadja ! Djikaloe koweorang chijanat van tjoerang make itoe tenaga sikoe djoewa sebagih pendorong djari bijar bole koewat, mangka itoe bole dinamakeun sebagih nggontlom ! Oekoemnjah iaitoe haram 'ain poen !

nekker....

Barang sijapa iang mingsih idoep sampe achier permaenan, alijas tinggal ianjah sorangan, dijaorang bole berhak ngambiel samoewa oedoe itoe poen. Aken tapi satoe orang botjah iang bole djagowan, walopoen ianjah tijada perna ambiel itoe oedoe van lingkaran goenoengan, bole djahadie dia poenja kamenangan, pasal dia bole boenoeh sang pemilik oedoe iang paling banja poen, dengen tjara apa ? Ja, oekoem rimba tadih, saling memakan gatjoek !

Permaenan kadoewa iang lebi kassie tantangan lagih iaitoe djirak. Kowe bole bikin satoe garis verticaal pandjang, lantas bole kowe kassie bentoek matjem toelang ikan poenja diagraam. Masing2 oedjoeng itoe toelang bole kowe kassie oedoe. Dari kepala toelang , leher toelang sampe ekor toelang bole berlakoe ambiel iang ada di bawahnjah. Tjara ambiel oendijan iaitoe sama sahadja dengen itoe goenoengan poenja tjara, barang sijapa iang bole kassie lempar iainjah poenja gatjoek paling deket samah itoe kepala djirak, mangka bole djahadie ianjah iang djahadie ambiel giliran pertama kasie lempar.

Kowe bole lempar koweorang poenja gatjoek van djarak sekitar sapoloe depa poen van kepala itoe toelang ikan. Oesahain bijar kena kepala, ataoe paling djelek leher poen, soalan djikalaoe kena kepala bole kowe ambiel samoewa oedoe iang ada di bawahnjah. Ini permaenan boetoeh satoe landasan iang pandjang en loeroes. Djirak bijasanjah dimaenken samah ana2 iang poenja oedoe banja, alijas poenja nekker melimpah boewat tarohan. Djikaloe koweorang ana van orang kaia mangka bijasanjah poenja djokie iang djagoewan daripada kassie bidik kepala toelang ikan itoe poen. Kowe tinggal djahadie bandar sahadja.

Djendoel iaitoe satoe djagoewan dalem soewal make itoe doewa tangan dalem kassie tembak nekker. Keliek djagoewan dalem hal djirak inih, en sering djahadie djokie, sedeng Nothol lagih2 sebagih djagoewan dalem soewal goenoengan. Itoe Nggobek, si Narto iang poenja boeroeng pandjang, iaitoe botjah paling litjik dalem nekkeran poenja gaia, soeka nggontlom en tijada mahoe diseboet nggontlom poen ! Sedeng ik sendirih, tijada djago aken tapi djoewa tijada chijanat dalem nekkeran poenja gaia, mala ik lebi soeka poenja pertjoeba'an samah nekker inih. Bole bikin mimis ketapel ataoe kitaorang rendem dalem itoe minja tana...matjem manah itoe bentoeknjah ? ANTJOER ! aken tapi oerat2 antjoernjah soenggoe indah.....

Koeaingdinekkeransiah!
slaloe temoewin kaindahan dibalik keantjoeran....